Ўзбекистон Республикаси ташқи ишлар вазири Бахтиёр Саидов ШҲТга аъзо давлатлар ташқи ишлар вазирлари билан биргаликда Қозоғистон Республикаси Президенти Қосим-Жомарт Тоқаев томонидан қабул қилинди.

Вазир қардош мамлакат етакчисига давлатимиз раҳбари Шавкат Мирзиёевнинг самимий саломини етказди.

Учрашувда Қозоғистоннинг Шанхай ҳамкорлик ташкилотига раислиги даврида Остона шаҳрида бўлиб ўтадиган Саммитни ҳар томонлама мазмунли  ўтказиш бўйича амалга оширилаётган кенг кўламли ишлар таҳлил қилинди. Жумладан, Ўзбекистоннинг турли даражадаги вакиллари ШҲТ тузилмалари йиғилишлари, анжуман, форум ва бошқа тадбирларида фаол иштирок этиб келаётгани таъкидланди.