Хорижий продюсерлар ўзбекистонлик ёш ижодкор лойиҳасига катта қизиқиш билдирмоқда
Айни кунларда Францияда нуфузли 77-Канн кинофестивали давом этмоқда.
Унинг доирасида Франция Маданият вазирлиги ҳузуридаги Миллий кино ва анимация маркази (CNC) кўмагида Марказий Осиё истеъдодлари питчинги ўтказилди. Унда режиссёр Шерзод Назаров "Ҳамшира" номли кинолойиҳаси билан иштирок этди. Франциялик кинопродюсерлар ушбу лойиҳага катта қизиқиш билдирди.
Танловда Ўзбекистондан ташқари Қозоғистон, Қирғизистон, Тожикистондан ёш ижодкорлар қатнашди.
Қолаверса, Ўзбекистон павильонида кино студиялар билан ҳамкорликда фильмлар суратга олиш бўйича музокаралар давом этмоқда. Шунингдек, ўзаро учрашувлар давомида Шерзод Назаровнинг "Ҳамшира" лойиҳаси бўйича ҳамкорлик қилиш масаласи ҳам кўриб чиқилди, деб хабар қилмоқда
Миллий кинематографияни ривожлантириш маркази ахборот хизмати.
Н.Усмонова,
ЎзА