Бу дунёда ширин ва аҳил, бахтли ҳаёт учун пойдевор яратиб, инсонни инсон, оилани мустаҳкам оила қиладиган, биз учун муҳаббат, вафо ва садоқат тимсоли бўлиб келаётган гўзал ва бетакрор "ўзбегойим"лар ҳақида кўплаб таърифлар келтириш мумкин.

Ватанимиз тараққиётида, оила ва жамият ҳаётида хотин-қизлар муҳим ўринга эга. Аёлларимиз мамлакатимизнинг ижтимоий-сиёсий, сиёсий-иқтисодий ҳаётидаги барча соҳаларда хусусан, давлат бошқаруви ва вакиллик органларида, ишлаб чиқариш, тадбиркорлик, фермерлик, соғлиқни сақлаш, таълим, маърифат, маданият ва бошқа соҳаларда самарали меҳнат қилишмоқда. 

Қишлоқнинг оддийгина содда қизи бир олам беғубор орзулари рўёбини азим пойтахтдан топаман деб келиб, бугун жамиятнинг муаммога дуч келган аёлларига ёрдам қўлини чўзадиган даражага етиб келганини ўзи катта ибратдир.  

Унинг шеърлари бугун бутун ўзбек аёлларининг дардини, айтилмаган истакларини, кўз ёшга айланган орзуларини ўзида акс этиб, ёшу-қарининг бирдек кўнгиллардан жой олади. Шеър мисралари қўлингга тушар экан, баралла бор овозинг билан ўқиганингни ўзинг ҳам сезмай қоласан.  

"Ўзбегойим" лойиҳасининг бугунги меҳмони, "Зулфия" номидаги Давлат мукофоти совриндори, дилбар шоира Гулжамол Асқарова.  

<iframe width="560" height="315" src="https://www.youtube.com/embed/Dg-NsPO-ZBw?si=RipUO238qGZaS9tS" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

 

М.Турдалиева, А.Аҳмедов(видео), ЎзА