Фаластинликлар шимолда жанг қилаётган бир вақтда Исроил кучлари Ғазо жанубидаги Рафаҳга бостириб кирди. Рафаҳ ғазоликларнинг охирги қўналғаси ҳисобланади. Исроил ушбу жанубий шаҳарнинг Фаластин қисмини ўз назоратига олган. Гуманитар ёрдам ва йўловчилар бўлган транспортлар душман танклари билан тўсиб қўйилгани айтилмоқда.

Ғазодаги вазият кутилмаган тус олди. Исроил ҳарбийлари Рафаҳдаги операцияларни давом этишини айтаётган бўлса, бошқа бир томондан музокаралар учун Қоҳирага делегация юборилишини маълум қилган.

6 май куни Исроил кучлари Рафаҳдаги аҳолига варақалар тарқатиш орқали аҳолини эвакуация қилиш ҳақида огоҳлантирган. Шундан сўнг ҲАМАС гуруҳи Қатар ва Миср воситачилигида ишлаб чиқилган келишувга розилик билдирди. 9 ойдан буён уруш ҳолатида бўлган фаластинликлар ўт очишни тўхтатиш ҳақидаги хушхабарни нишонлаш учун кўчаларга чиқиб, қўшиқ куйлашган. Аммо 7 майга ўтар кечаси Ғазо жанубидаги шаҳарга Исроил кучлари ҳужум қилиши оқибатида 120 дан ортиқ обект вайрон бўлган, 20 га яқин инсоф вафот этди.

Миср Исроилнинг Рафаҳ операциясини қоралади. Мамлакат Ташқи ишлар вазирлиги айнан ушбу ҳудуддаги тўқнашув Ғазода ўт очишни тўхтатишга эришиш ҳаракатларига таҳдид солаётганини айтган.

<iframe width="650" height="420" src="https://www.youtube.com/embed/g-mjmORlTZg" title="Isroil Rafahga yangi zarba berdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Сардорбек Поёнов, Ёқубжон Мелибоев, Улуғбек Тўхтаев (видео), ЎзА.