Тайинлов

Андижон тумани ҳокими лавозимига Йўлдошев Бобурбек Баҳодирович тайинланди.  

Бобурбек Йўлдошев 1986 йили Андижон шаҳрида туғилган. 2008 йили Андижон муҳандислик- иқтисодиёт институтини тамомлаган.  

Меҳнат фаолияти давомида статистика, иқтисодиёт, ахборот-таҳлил ва бошқа бир қанча соҳаларда мутахассис, бошлиқ ўринбосари, бўлим бошлиғи ҳамда Ўзбекистон Республикаси Президенти Администрацияси Маҳаллий давлат ҳокимияти органлари билан ишлаш шуъбаси бош инспектори лавозимларида ишлаган.  

Шу кунга қадар Б. Йўлдошев Марҳамат тумани ҳокими лавозимида фаолият кўрсатиб келаётган эди.  

***  

Марҳамат тумани ҳокими лавозимига Маъмуров Ўткирбек Комилжонович тайинлади.  

Ўткирбек Маъмуров 1973 йилда Олтинкўл туманида туғилган. 1997 йилда К.Тимирзаев номли Москва қишлоқ хўжалиги академиясини тамомлаган.  

Меҳнат фаолияти давомида қишлоқ хўжалиги соҳасида агроном, мудир, раис ўринбосари, раис, бошқарма бошлиғи ўринбосари каби лавозимларида ишлаган.  

Шу кунга қадар Ў.Маъмуров Булоқбоши тумани ҳокими лавозимида фаолият юритиб келаётган эди.  

***  

Булоқбоши тумани ҳокими лавозимига Бўтахонов Фурқатбек Тожимуҳаммадович тайинланди.  

Фуркатбек Бўтахонов 1985 йилда Хўжаобод туманида туғилган. 2013 йилда Андижон қишлоқ хўжалиги институтини тамомлаган.  

Меҳнат фаолияти давомида молия, электр таъминоти, иқтисодиёт, инвестиция ва аҳоли бандлигини таъминлаш соҳаларида ғазначи, ҳисобчи, бўлим бошлиғи, бош мутахассис ҳамда туман ҳокими ўринбосари лавозимларида ишлаган.  

Шу кунга қадар Ф. Бўтахонов Булоқбоши тумани ҳокимининг биринчи ўринбосари лавозимида фаолият юритиб келаётган эди.  

 

Фахриддин Убайдуллаев,  

ЎзА мухбири