Қорақалпоғистон Республикасида кичик бизнес ва тадбиркорликни ривожлантиришга қаратилаётган эътибор самараси Амударё туманида ҳам ташаббускор ва илғор тадбиркорлар сони тобора ортмоқда.

Туманнинг Манғит шаҳридаги «Гулзор» маҳалла фуқаролар йиғинида яшовчи тадбиркор Қудрат Ешимбетовни кўпчилик маҳоратли дурадгор сифатида яхши танийди. У ҳали ёш бўлишига қарамай, янги уй-жойлар қурилиши учун зарур ёғоч буюмларни ясайдиган маҳоратли уста даражасига эришган. 

[gallery-16107]

- Дурадгорликка ёшлигимдан қизиққанман, - дейди Қудрат Ешимбетов. - Ўтган 2023 йилда Микрокредитбанкдан 40 миллион сўм кредит олиб фаолиятимни кенгайтиришга эришдим. Хонадоним ёнидан янги устахона ташкил қилиб, зарур дастгоҳ ва ускуналар харид қилдим. Маҳалламиздаги икки нафар йигитни шогирдликка олганман. Улар билан биргаликда кундалик турмушда ишлатиладиган буюмларни ясаяпмиз. Маҳсулотларимиз маҳаллий ҳамда қўшни туман бозорларида харидоргир.

<iframe width="650" height="420" src="https://www.youtube.com/embed/uz8-aypKPOc" title="Ishbilarmon duradgor" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Мақсад ҲАБИБУЛЛАЕВ (сурат), ЎзА