IQAir маълумотларига кўра, бугун, 12 февраль тонгида Тошкент шаҳри ҳавонинг ифлосланиши бўйича дунёда 9-ўринни эгаллаган. “Ўзгидромет” агентлиги кузатув натижаларига асосан Тошкент шаҳрида соат 9:00-10:00да ҳавонинг майда чанг зарралари (РМ 2,5) билан ифлосланиши қуйидагича бўлди.

–Чилонзор тумани Халқлар дўстлиги майдонида –84,7 мкг/м3; 

– Юнусобод тумани “Бодомзор” йўлида –54,2 мкг/м3. 

Қайд этилишича, ушбу ҳудудларда ҳаводаги чанг миқдори AQI – РМ 2,5 кўрсаткичи билан ҳавонинг “зарарли” даражадаги ифлосланиш тоифасига киради. 

Ўзбекистон пойтахтининг ҳаводаги PM-2,5 майда дисперсли заррачалар миқдори 124.5 мкг/м3ни ташкил этган. Бу ЖССТ тавсияларидан 24,9 марта кўпроқ ҳисобланади. 

Муҳайё Тошқораева, ЎзА