—

Husni ortar yuzda zulfin anbarafshon aylagach, 
Sham' ravshanroq bo‘lur torin parishon aylagach.

Yuzni gullardin bezabmu bizni qurbon aylading? 
Yo yuzungga tegdi qonlar bizni qurbon aylagach?

Tiyg‘ ila paykonlaring yetti ko‘ngul bo‘lg‘och xarob, 
Suv quyub tuxm ekting ul kishvarni vayron aylagach.

Qon emaskim yopti gulgun hulla jannat xozini, 
Ishqmu tanni shahid aylarda uryon aylagach?

Oshkor aylab yuzin ko‘zumni hayron ayladi, 
Yoshurun oldi ko‘ngul ko‘zumni hayron aylagach.

Jonda qo‘yg‘och naqdi ishqin qildi ko‘nglumni halok, O‘lturur mahramni sulton ganj pinhon aylagach.

Ey Navoiy, ishq agar ko‘nglungni majruh etmadi, Bas, nedurkim qon kelur og‘zingdin afg‘on aylagach?

Alisher Navoiy

<iframe width="650" height="420" src="https://www.youtube.com/embed/Sxy-IRs_L7E" title="Husni ortar yuzda zulfin anbarafshon aylagach…" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>