Энергетика вазирлигига кўра, 11 январь куни мамлакатимиздаги 1 минг 378 та “метан заправка” орқали истеъмолчиларга 14,6 миллион метр куб табиий газ сотилган. Бу режага нисбатан 104 фоиз кўпни ташкил этади. Автомобилларга газ қуйиш станциялари орқали эса 600 тонна суюлтирилган газ етказилган.

Шунингдек, барча автомобилларга ёнилғи қуйиш шохобчаларига 2 минг 517 тонна автобензин йўналтирилган. Биржа савдоларига автомобилларга ёнилғи қуйиш шохобчаларида сотиш учун 3 минг 760 тонна автобензин, 2 минг 40 тонна дизель ёнилғиси қўйилган бўлиб, шундан 3 минг 362 тонна автобензин ҳамда 304 тонна дизель ёнилғиси сотилди  

Бугун АОКАда ўтказилган брифингда шу ҳақда маълумот берилди. Унга кўра, электр ишлаб чиқариш корхоналари томонидан бир кунда 247,4 миллион кВт•соат электр энергияси ишлаб чиқарилган. Бу кўрсаткич режага нисбатан 104 фоиздир. Бунинг учун иссиқлик электр станцияларида 49,6 миллион куб метр табиий газ, 19,7 минг тонна кўмир ҳамда 3,6 минг тонна мазут ёқилди.  

–Ишлаб чиқарилган ушбу манбадан юртимиз истеъмолчиларига 232,9 миллион кВт•соат электр энергияси узатилди.  Бу режадагига нисбатан 101 фоиз кўпдир. Табиий газ истеъмоли эса  157 миллион метр кубни ташкил қилди. Шунингдек, электр қурилмаларида юзага келган 5 та, газ таъминотида юзага келган 8 та носозлик ўз вақтида тузатилди. Истеъмолчилардан келиб тушган 132 та мурожаатнинг барчаси махсус бригадалар томонидан бартараф этилди. Табиий ва суюлтирилган газ таъминоти бўйича келиб тушган 142 та мурожаат бўйича ҳам тезкор чора-тадбирлар олиб борилди. Тизимда аввалги кунларда бўлгани каби фавқулодда ҳодисалар ёки йирик авариялар кузатилмади, – деди Энергетика вазирлиги матбуот хизмати раҳбари Ҳасан Тошхўжаев.  

Н.Зиёдуллаева, ЎзА