Ҳуқуқий муносабат

Маълумки, пенсия ва уни олиш ҳуқуқи қонунда белгиланган шартларга ва меъёрларга мувофиқ аниқланадиган ҳамда шахсларга пенсия ёшига тўлиш, ногиронлик ёки боқувчисини йўқотганлик муносабати билан бериладиган ойлик пул тўлови ҳисобланади. Шунга кўра, пенсия олишнинг ҳам қонунда кўрсатилган ўз йўналиш ва тартиблари бор. Тошкент давлат юридик университети Юридик клиникаси ходими Жавоҳир Эшонқулов бу борада батафсил тушунтириш берди. 

– Ўзбекистон Республикасининг “Фуқароларнинг давлат пенсия таъминоти тўғрисида”ги қонуни 37-моддасига асосан бола 3 ёшга тўлгунча болани парваришлаш таътилларида бўлиш вақти, лекин ҳаммасини жамлаганда кўпи билан 6 йил ҳисобланади. 

<iframe width="650" height="420" src="https://www.youtube.com/embed/DGpCntaS6JQ" title="Bola parvarishlash taʼtilida boʻlgan davr pensiyaga chiqishda ish stajiga qoʻshib hisoblanadimi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Пенсия тайинлашни сўраб мурожаат этиш – шахснинг яшаш жойи бўйича Пенсия жамғармаси бўлимига бевосита ташриф буюрган ҳолда ариза бериш, шахснинг яшаш жойидан қатъи назар экстерриториал тамойил асосида Ўзбекистон Республикаси Адлия вазирлиги давлат хизматлари марказлари орқали ёки Ягона интерактив давлат хизматлари порталидан рўйхатдан ўтиб, сўровномани тўлдирган ҳолда пенсия тайинлаш учун мурожаат қилиш керак бўлади. 

Пенсияни қайта ҳисоблашни сўраб мурожаат этиш – пенсия миқдорини қайта ҳисоблаб чиқиш, пенсиянинг бир туридан бошқа турига ўтказиш, илгари тўхтатиб қўйилган (тўхтатилган) пенсия тўлашни белгиланган тартибда тиклаш (қайта тиклаш) тўғрисида яшаш жойи бўйича Пенсия жамғармаси бўлимига ариза бериш билан амалга оширилади. 

Гулноза Бобоева, ЎзА