Гўштлар ичига яширилган 14 қути гильзалар фош бўлди
Тошкент вилояти “Яллама” чегара божхона ходимлари томонидан юртимизга ноқонуний равишда ўқ-дорилар олиб ўтилишининг олди олинди.
“Яллама” чегара божхона пости терминалига кириб келган фуқаро бошқарувидаги “Газель” русумли автотранспорт воситасидаги курьерлик жўнатмалари божхона назоратидан ўтказилганда автотранспорт воситасига юкланган товарлар орасида гўшт маҳсулотлари ичига хуфиёна яширилган жами 14 қутида 350 дона ов қуроли учун гильзалар борлиги аниқланди.
Ҳозирда ушбу ҳолат юзасидан терговга қадар текширув ҳаракатлари олиб борилмоқда.
Нозимбек Мардонов, ЎзА