БААнинг Дубай шаҳрида теннис бўйича хотин-қизлар ўртасида мукофот жамғармаси 100 минг АҚШ долларини ташкил этувчи халқаро турнир ўтказилмоқда.

Қизиқарли баҳсларга бой ўтаётган мазкур мусобақада ҳамюртимиз Нигина Абдураимова 1/8 финал учрашувида россиялик Екатерина Макаровани 6:0, 2:6, 6:2 ҳисобида мағлуб этди. Бугун Нигинанинг яккалик баҳслари чорак финалидаги рақиби номи маълум бўлади.  

Маълумот учун, Н.Абдураимова Бутунжаҳон хотин-қизлар теннис уюшмаси рейтинг жадвалида 245-поғонада бормоқда. Мамлакатимизнинг биринчи рақамли теннисчиси ушбу рўйхатда 2014 йили 144-ўринга қадар кўтарилган эди.  

Жавоҳир Тошхўжаев, ЎзА