“Россия 1” телеканали ижодкорлари Бухорода
Россиянинг таниқли оммавий ахборот воситалари юртимизнинг тарихий шаҳарларини суратга олишга доир кенг кўламли ҳамкорлик лойиҳаларни амалга оширмоқда.
“Россия 1” телеканалининг “Вести недели” кўрсатуви журналистлари Бухоронинг Мир Араб мадрасаси, унинг фаолияти, қолаверса, ҳунармандчилик марказлари ва Бухорода сақлаб қолинган урф-одатлар ҳақида махсус репортаж суратга олишди.
Мазкур махсус репортаж жорий йилнинг 26 ноябрь куни эфирга узатилиши кўзда тутилган.
Лойиҳа Ўзбекистон Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси ҳамкорлигида амалга оширилмоқда.
Зариф Комилов, ЎзА мухбири