Аллергия нега баҳор ва кузда "қўзийди"? (+видео)
Статистик маълумотларга кўра планетамиз аҳолисининг қарийб 40 фоизи аллергик реакцияларга эга бўлганлиги сабабли гулларнинг ёқимли ифорини ҳис қилолмайди, севимли уй хайвонини эркалай олмайди ёки бирон-бир севимли маҳсулотини истеъмол қилолмайди. Аллергиянинг одатий сабабчилари бу гул чанги, уй хайвонларининг юнги, чанг, замбуруғ ва моғор споралари, маиший кимё маҳсулотлари, дори воситалари, ҳашоратлар ва синтетик моддалардир.
Юқорида келтириб ўтилган сабаблар анафилактик шок холатини келтириб чиқариши мумкин. Организмда бу турдаги тез ривожланувчи реакция гистамин моддасининг кўп миқдорда ажралиши билан кузатилади. Анафилактик шок вақтида қон айланиши бузилади. Тери муздек ва нам бўлиб қолади. Безовталик, ички нотинчлик, ҳансираш, бош айланиши, қон босимининг пасайиши, сийдик ажралишининг бузилиши ва баъзида инсон хушини йўқотиши ҳолатлари ҳам кузатилади.
Аллергияни бартараф этиш мумкинми? Бунинг учун нима қилиш керак? Биринчи навбатда аллергенларни аниқлаш учун таҳлил топшириш ва аллергик реакция сабабчисини аниқлаш зарур бўлади. Шундан сўнг, аллерголог шифокори сезувчанликни енгиллаштириш ёки касалликни ремиссия даврига ўтказиш учун даволаш тадбирларини тайёрлаб беради. Батафсил маълумотни видеолавҳада билиб олишингиз мумкин:
<iframe width="1280" height="720" src="https://www.youtube.com/embed/j9VibAauRAI" title="Аллергия нега баҳор ва кузда "қўзийди"?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>"Саломатлик сирлари" рукнини кузатиб боринг, ўзингиз ва яқинларингиз соғлигига эътиборли бўлинг.
М.Турдалиева, А.Содиқов ЎзА
