Макроиқтисодий ва ҳудудий тадқиқотлар институти экспертлари томонидан 2023 йилнинг январь-июнь ойларида Ўзбекистон ҳудудларида қурилиш ишларининг ривожланиши қиёсий таҳлилдан ўтказилди.
Унга кўра, 2023 йилнинг январь-июнь ойлари якуни бўйича республикада умумий ҳажми 68,1 триллион сўмга тенг бўлган қурилиш ишлари амалга оширилган. Ўсиш суръати ўтган йилнинг шу давридагига нисбатан 104,8 фоизни ташкил этган.
Таҳлил давомида қурилиш ишларининг ривожланиши бўйича ҳудудлар рейтинги ишлаб чиқилди.
Рейтингда етакчи ўринларни эгаллаган Фарғона, Сурхондарё, Самарқанд, Тошкент, Навоий ва Хоразм вилоятлари тегишли ташкилий-техник тадбирларни тизимли амалга ошириш ҳисобига қурилиш ишларининг жадал ривожланиши билан ажралиб туради.
Қашқадарё, Бухоро ва Жиззах вилоятлари, шунингдек, Қорақалпоғистон Республикасида индекснинг ўртача даражаси аниқланди.
Андижон, Наманган ва Сирдарё вилоятлари қурилиш ишларининг ўсиш суръати индекси паст кўрсаткичларга эга.
Таҳлил Тошкент шаҳрида ўсиш суръати секинлашганини кўрсатди ва у рейтингда 14-ўринни эгаллади, дейилади МҲТИ таҳлилида.
Н.Зиёдуллаева, ЎзА