Мамлакатимизда ўтаётган муҳим сиёсий воқеа — муддатидан илгари Ўзбекистон Республикаси Президенти сайловида Сурхондарё вилоятининг Денов туманида яшайдиган юз ёшдаги Хуррам Ишқобилов ва турмуш ўртоғи 95 ёшли Урпия Эшқобилова 15 нафар оила аъзоси билан Чим маҳалласидаги 690 –сайлов участкасига келиб, овоз берди.

— Эрталабдан обод ва тўкин ҳаёт, тинч-тотув турмуш учун оила аъзоларимиз билан бирга келиб овоз бердик,–дейди Хуррам бобо Эшқобилов.– Кейинги йилларда бизнинг маҳалламиз ҳам катта ўзгаришларга юз тутди. Фарзандларим, невара, чевараларим бу ҳақида ҳар куни менга фахр билан сўзлаб беради. Илоҳим, Ватанимиз осуда, юртимиз обод, авлодларимиз бахтли бўлаверсин!

Мазкур сайлов участкасида 2 минг 423 нафар фуқаронинг овоз бериши кутилмоқда. Уларнинг 116 нафари муддатидан олдин овоз берган.  

Холмўмин МАМАТРАЙИМОВ, ЎзА