Польшанинг Вроцлав шаҳрида теннис бўйича мукофот жамғармаси 15 минг АҚШ долларидан иборат "Фьючерс" туркумидаги нуфузли мусобақада ҳамюртимиз Сергей Фомин муваффақиятли иштирок этмоқда.

Бундан беш кун муқаддам 300 нафардан зиёд ракетка усталари иштирокида бошланган турнир баҳсларининг илк саралаш мусобақаларида рақибларини мағлуб этишга эришган Фомин халқаро турнирнинг 1-турида польшалик Карол Жевецкийни (3/6, 6/2, 1/6), 2-турда чехиялик Матью Уильям Дональдни (2/6, 6/4, 2/6) доғда қолдирди.  

Кеча мусобақанинг 1/4 финал босқичида Ўзбекистон терма жамоаси аъзоси Сергей Фомин ирландиялик Майкл Агвини билан куч синашди.

Шиддатли ўтган ўйинда ҳамюртимиз европалик теннисчини 6/3, 6/3 ҳисобида енгиб, ярим финал йўлланмасини қўлга киритди.

Энди мамлакатимизнинг иккинчи ракеткаси финал йўлланмаси учун ATP рейтингида 605-поғонада бораётган чехиялик Иржи Барнатга қарши кортга чиқади.  

Мусобақалар давом этмоқда.

Т.Рўзиев, ЎзА