“Ўзагросуғурта” АЖ ходимлари Чехияда малака оширди
Аввал хабар берилганидек, жорий йилнинг 15-24 май кунлари Чехия Республикасида ўтказилган “Суғурта маҳсулотларини сотишни бошқариш” мавзусидаги ўқув-амалий курсини муваффақиятли тамомлаб, “Чакана савдо сегментида суғурта хизматларини амалга оширишда Чехия суғурта компанияларининг инновацион усуллари” йўналишида сертификатларга эга бўлишди.
Мазкур ўқув-курси машғулотларини Европа амалий фанлар ва менежмент институти профессор-ўқитувчилари ҳамда Чехия Республикасидаги етакчи суғурта компанияларининг малакали мутахассислари олиб борди.
Шу билан бирга, Чехия суғурта компанияларининг амалиёти ва тажрибалари билан яқиндан танишилди.
Ўтказилган ўқув-амалий курсида хорижда фаолият юритаётган суғурта компанияларининг ижобий тарафлари ўрганилди.
Хулоса ўрнида, суғурта бозори ривожланган шу каби хорижий давлатларда малака ошириш бўйича лойиҳалар мамлакатимиздаги кадрлар салоҳиятини янада оширишга, улардаги илғор тажрибаларни юртимизда қўлланилишида замин яратади.
ЎзА