ФОТОРЕПОРТАЖ

Борлиққа сепини ёйган баҳор ўз гўзаллигини кўз-кўз қилмоқда. Айниқса, гул ва чечакларга бурканган боғда кўкламнинг бор ҳусни-таровати намоён. Ҳар томонни қоплаган яшил майсалар, қийғос гуллаган дарахтларнинг хушбўй ифори ўзгача. Жаннатмакон боғда сайр этиб, унинг анвойи, муаттар бўйларидан баҳра олгинг келади.  

[gallery-11218]

Тошкент вилояти Қибрай туманидаги 24-давлат мактабгача таълим ташкилотининг болажонлари бугун тарбиячилари ҳамроҳлигида ҳудуддаги сўлим боғга сайрга чиққан.  

Манзарага қараб тўймайсан. Қизалоқлар боғдаги очилган гул мисоли товланмоқда. Уларнинг шўх-шодон кулгуси дилларга завқ бағишлайди, қалбларга беғубор туйғуларни жо этади.  

Камола Юсупова,

Оқил Ғуломов (сурат), ЎзА