Фарғонада “Янгиланаётган Конституция – юртимиз ва халқимизнинг фаровон ҳаёти учун мустаҳкам ҳуқуқий асос бўлади” шиори остида Конституция лойиҳасини қўллаб–қувватлаш ёшлар анжумани бўлиб ўтди. Унда Фарғонанинг ҳар ишда ўрнак ва пешқадам ёшлари иштирок этдилар. Мамалакатнинг таниқли тадбиркори Мурод Назаров ўзининг ҳаёти, бизнеси мисолида сўнгги йилларда рўй берган беқиёс ислоҳотлар ва унинг одамлар тақдиридаги инъикоси ҳақида гапириб берди. Шундан сўнг саҳнага бирин кетин вилоят вакиллари чиқдилар. Уларнинг ҳар бири Конституция менинг тақдиримда деган маънода рўёбга чиққан орзулари, янги ўзгаришлардан кутаётган умидларини баён этдилар.

Шундан сўнг таниқли санъаткорлар ёшлар билан бир бўлиб ватанни тараннум этувчи улар севган қўшиқларни ижро этдилар.

Конституция лойиҳасини қўллаб-қувватлаш ёшлар анжумани унинг иштирокчиларининг “Конституция - барчамизники” дея ҳитоб қилиб оммавий юриши билан якунланди.

<iframe width="1519" height="585" src="https://www.youtube.com/embed/b8n0OGuG-s4" title="Конституция – барчамизники!" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Муҳаммаджон Обидов,

Элёр Олимов (тасвирчи), ЎзА