Сурхондарё вилоятида ҳаво ҳарорати кўтарилиб, газ қувурларидаги босим белгиланган меъёрга яқинлашмоқда. Бу билан аҳоли хонадонлари ва ижтимоий соҳа объектларини табиий газ билан таъминлаш янада яхшиланаётир. Шунга мувофиқ маҳаллий ҳокимликлар қарори билан воҳада бугундан 95 та автомобилларга газ тўлдириш компрессор шохобчаси (АГТКШ) нинг хизмат кўрсатиш вақти узайтирилди. Эндиликда улар махсус режа-график асосида ҳафтанинг жуфт ёки тоқ саналарида эрталаб соат 9:00 дан 15:00 гача фаолият юритади.

Маълумотларга кўра, амалиётга жорий этилаётган мазкур чоралар вақтинчалик бўлиб, газ босими кўтарилиб бориши билан АГТКШлар иш вақти ҳам узайтириб борилади.  

 

Холмўмин МАМАТРАЙИМОВ,  

ЎзА мухбири