“Toshkent shahar suv ta’minoti” MCHJ matbuot xizmatining ma’lum qilishicha, Yer usti metro yo‘li qurilish ishlari munosabati bilan ichimlik suv tarmog‘ini ko‘chirib o‘tkazilgan qismini qayta ulash ishlari olib boriladi.

Xususan, Sergeli tuman Qipchoq ko‘chasidan o‘tuvchi yer usti metro yo‘li qurilish ishlari munosabati bilan D-1000mm bo‘lgan ichimlik suv tarmog‘ini ko‘chirib o‘tkazilgan qismini qayta ulash ishlari amalga oshiriladi.  

Shu munosabat bilan joriy yilning 20 dekabr kuni 9:00 dan 21 dekabr kuni 9:00 gacha Sergeli tumani bo‘yicha “Qorasuv”, “Taraqqiyot”, “Xonabod”, “Qushbegi”, “Xonabodtepa”, “Quruvchilar”, “Daryo bo‘yi”, “Fayzli”, “Jaloir”, “Qipchoq”, “Sug‘diyona”, “O‘zgarish”, “Habibiy”, “Temir yo‘lchi”, “Shukur Burxonov”, “Yangi Sergeli”, “Tinchlik”, “Guliston”, “Bobur”, “Ittifoq”, “Nilufar”, “Xumo” mahallalari vaqtincha suvsiz qoldiriladi.  

Shuningdek, Yangihayot tumani bo‘yicha “Qipchoq”, “Yo‘ldosh”, “Al-Farg‘oniy”, “Viqor”, “Olchazor”, “Do‘stlik”, “Chortoq”, “Charag‘on”, “Toshkent” mahallalari, 1-sonli Tug‘uruq kompleksi, 37-sonli poliklinikaga ichimlik suvi o‘chiriladi.  

Suvsiz qolgan hududlarga ichimlik suvi maxsus texnikalarda yetkazib beriladi.  

 

O‘zA