Тижорат банклари иқтисодиётнинг “қон томир тизими” бўлиб, аҳоли ва бизнеснинг тўпланиб қолган жамғармаларини тақсимлаш орқали иқтисодиётни зарур молиявий ресурслар билан таъминлайди.

Шунингдек, воситачи сифатида тижорат банклари пул маблағларидан фойдаланганлиги учун фоиз тўлаш шарти билан омонатларни жалб қиладилар ва уларни аҳоли ҳамда тадбиркорларга кредитлар ва инвестициялар шаклида фоиз эвазига тақдим этадилар.

Микрокредитбанк ҳам ўз фаолияти давомида кичик бизнес ва хусусий тадбиркорликни молиявий қўллаб-қувватлаш, ҳунармандчилик, аёллар ва ёшлар тадбиркорлигини ривожлантириш, янги иш ўринларини яратиш, аҳоли бандлигини таъминлашга эътибор қаратади.

Айниқса, давлат дастурлари ижроси бўйича етакчи банклар қаторида бугун аҳолининг кўмакчисига айланди. 2020-2022 йиллар давомида Микрокредитбанкнинг барқарор фаолият кўрсатишини таъминлаш, молиявий хизматларнинг оммабоплигини ошириш ва рақамлаштириш борасида амалга оширилган ишлар натижасида банкнинг асосий кўрсаткичлари юқори даражада ўсиш тенденциясига эга бўлди. Хусусан ўтган давр мобайнида жами капитал 2,3 баробарга ёки 2,1 трлн. сўмга ошиб, 3,7 трлн.сўмни ташкил қилди. Жами активлар 2,5 мартага ортиб, 14,6 трлн. сўмни, кредит портфели 2,4 мартага ортиб, 11,6 трлн. сўмни ташкил этмоқда.

Банк капитали ва ресурс базасини мустаҳкамлаш ҳисобига жами активлар 2,5 мартага ортиб, 14,6 трлн. сўмни, кредит портфели 2,4 мартага ортиб, 11,6 трлн. сўмга етказилди.

Натижада асосий кўрсаткичлар бўйича Микрокредитбанк республика банклари орасида 8-ўринга кўтарилди (2020 йилда 12-ўринда эди).

Сўнгги йилларда юртимизда оилавий тадбиркорлик, ҳунармандчилик, касаначилик ва бошқа тадбиркорлик фаолияти турларини кенг оммалаштириш, ҳар бир оиланинг барқарор даромад манбаига эга бўлиши учун шарт-шароитлар яратиш ва ишсизликка барҳам беришга қаратилган кенг кўламли ислоҳотлар амалга оширилиб келинмоқда.

Бу борада “Микрокредитбанк” АТБ томонидан ҳам муайян ишлар амалга оширилмоқда.

Хусусан, Марказий банк билан ҳамкорликда 2022 йил 1 мартдан бошлаб дастурдан кредитларни расмийлаштириш, товарларни харид қилиш ва товарларнинг етказиб берилишини мониторинг қилишни таъминловчи oilakredit.uz – электрон платформа ишга туширилди.

Жорий йилнинг ўтган даври мобайнида платформа орқали 60 минг нафардан ортиқ аҳоли ва тадбиркорлик субъектларининг келиб тушган аризалари ҳоким ёрдамчилари томонидан ўрганилиб, ижобий тавсия берилди.

Ўз навбатида, оилавий тадбиркорликни ривожлантириш дастурлари доирасида январь-октябрь ойларида Микрокредитбанк филиаллари томонидан жами 58 мингдан ортиқ аҳоли ва тадбиркорларга 1,4 трлн сўм миқдорида имтиёзли кредитлар ажратилди.

Ушбу кредитлар 21 мингдан ортиқ ёшларнинг ҳамда 32 мингга яқин хотин-қизларнинг лойиҳаларига йўналтирилди.

Масалан, агар мижоз ўз томорқасида иссиқхона қуриш учун кредит олмоқчи бўлса, кредит олиш учун oilakredit.uz платформасида ариза беришни кўрсатилган кетма-кетликда амалга ошириши лозим.

Яна бир муҳим жиҳати, ўзини-ўзи банд қилиш йўналишида 15 382 нафар жисмоний шахсларга 365 млрд. сўм миқдорида кредитлар ажратилди.

2018-2022 йиллар давомида жами 197 390 нафар мижозларга оилавий тадбиркорлик, ҳунармандчилик, аёллар ва ёшлар тадбиркорлигини молиявий қўллаб-қувватлаш учун 5.3 трлн. сўмдан ортиқ имтиёзли кредитлар ажратилди. Натижада 92 мингдан ортиқ ёшлар ва 98 мингдан ортиқ аёллар бандлиги таъминланди.

Банк фаолиятига назар ташлар эканмиз, бугунги режалари улкан эканлигига, яқинда ўтказилган ребрендинг тақдимоти орқали янгиланган логотипи ва устувор мақсадлари билан юртдошларимизнинг фаровон яшашини таъминлашга қаратилган хизматлари билан ишончли ҳамкорга айланаётганини таъкидлаш жоиздир.

Банк хизматлари орасида жисмоний ва юридик шахслар учун ажратилаётган қулай кредитлар, юқори фоизли омонатлар, турли автомобиллар учун автокредитлар, ипотека ва истеъмол кредитлари аҳолининг барча қатламини қамраб олишга ҳамда уларга янада сифатли хизматларни таклиф этишга қаратилгани билан аҳамиятли.

МКБАНК – фаровон ҳаёт пойдевори!

Бизнинг ижтимоий тармоқлардаги саҳифаларимиз:

Веб-сайт: www.mkbank.uz

Телеграм: t.me/mikrokreditbank

Фейсбук: facebook.com/mkbank.uz

Инстаграм: instagram.com/mkbank.uz

Банк ахборот хизмати

Реклама ҳуқуқи асосида