Республика Гидрометеорология марказининг хабар беришича, 26 октябрь куни Тошкентда ҳаво ўзгариб туради, вақти-вақти билан ёмғир ёғади. Шарқдан эсаётган шамол ўз йўналишини ўзгартириб, ғарбдан секундига 5-10 метр тезликда эсади. Шамолнинг тезлиги секундига 12-15 метргача кучайиши мумкин. Кечаси 10-12, кундузи 12-14 даража илиқ бўлади.

Қорақалпоғистон Республикаси ва  Хоразм вилоятида ҳаво ўзгариб туради, ёғингарчилик бўлмайди. Ғарбдан  секундига 7-12  метр тезликда шамол эсади. Айрим жойларда шамолнинг тезлиги секундига 15-20 метргача кучайиши мумкин. Бу кучайиш баъзи жойларда қум бўронлари билан бирга секундига 23-25 метргача тезлашиши мумкин. Кечаси 3-8, кундузи 11-16 даража илиқ бўлади.

Бухоро ва Навоий вилоятларида ҳаво ўзгариб туради, ёғингарчилик бўлмайди. Баъзи жойларда туман тушиши мумкин. Ғарбдан секундига 7-12  метр тезликда шамол эсади. Айрим жойларда шамолнинг тезлиги секундига 15-20 метргача кучайиши мумкин. Бу кучайиш баъзи жойларда қум бўронлари билан бирга секундига 23-25 метргача тезлашиши мумкин. Кечаси 5-10, кундузи 12-17 даража илиқ бўлади.  

Тошкент, Самарқанд, Жиззах ва Сирдарё вилоятларида ҳаво ўзгариб туради,  вақти-вақти билан ёмғир ёғади. Баъзи жойларда туман тушиши мумкин. Ғарбдан секундига 7-12  метр тезликда шамол эсади. Айрим жойларда шамолнинг тезлиги секундига 15-20 метргача кучайиши мумкин. Бу кучайиш баъзи жойларда қум бўронлари билан бирга секундига 23-25 метргача тезлашиши мумкин.  Кечаси 7-12, кундузи 12-17 даража илиқ бўлади.  

Қашқадарё ва Сурхондарё вилоятларида ҳаво ўзгариб туради, вақти-вақти билан ёмғир ёғади, баъзи жойларда кучли ёмғир ёғиши, туман тушиши мумкин. Ғарбдан  секундига 7-12  метр тезликда шамол эсади. Айрим жойларда шамолнинг тезлиги секундига 15-20 метргача кучайиши мумкин. Бу кучайиш баъзи жойларда қум бўронлари билан бирга секундига 23-25 метргача тезлашиши мумкин.  Кечаси 9-14, кундузи 15-20 даража илиқ бўлади.  

Андижон, Наманган ва Фарғона вилоятларида ҳаво ўзгариб туради, баъзи жойларда ёмғир ёғиб, туман тушиши мумкин. Ғарбдан  секундига 7-12  метр тезликда шамол эсади. Айрим жойларда шамолнинг тезлиги секундига 15-20 метргача кучайиши мумкин. Бу кучайиш баъзи жойларда қум бўронлари билан бирга секундига 23-25 метргача тезлашиши мумкин.  Кечаси 7-12, кундузи 13-18 даража илиқ бўлади.  

Республикамизнинг тоғли ҳудудларида ҳаво ўзгариб туради,  вақти-вақти билан ёғингарчилик бўлади (ёмғир, қор ёғади), баъзи жойларда кучли ёғингарчилик бўлиб, туман тушиши мумкин. Ғарбдан  секундига 7-12  метр тезликда шамол эсади. Айрим жойларда шамолнинг тезлиги секундига 15-20 метргача кучайиши мумкин. Ҳаво ҳарорати кечаси ва кундузи 4-9 даража илиқ бўлади.

Муҳим ҳодисалар    

25-26 октябрь  кунлари республикамиз бўйлаб вақти-вақти билан ёмғир ёғади, тоғолди ва тоғли туманларда ёғингарчилик  бўлади (ёмғир, қор ёғади), айрим жойларда кучли ёғингарчилик бўлади.  

25 октябрь куни шимолда ва чўл ҳудудларда, 26 октябрда республикамизнинг айрим жойларида  шамолнинг тезлиги секундига 15-20 метргача кучайиши, бу кучайиш 26 октябрда секундига 23-25 метргача тезлашиши, баъзи жойларда чанг-тўзонлар кузатилиши мумкин.  

 

ЎзА