Falastin delegatsiyasi Moskvaga tashrifidan mamnun, Yaqin Sharqdagi qator masalalar atroflicha muhokama qilindi, deb ma’lum qildi “RIA Novosti” agentligiga “Xamas” harakati yetakchisi Ismoil Xaniya.

“Delegatsiya Rossiya Tashqi ishlar vaziri Sergey Lavrov bilan uchrashdi, Davlat Dumasi va boshqa idoralarda muzokaralar o‘tkazdi. Xavfsizlik va kelgusi hamkorlik masalalari, jumladan, Yaqin Sharq mintaqasidagi hamkorlikning istiqbollari muhokama qilindi”.

“Biz Rossiya tashqi siyosatining ko‘plab pozitsiyalarini qo‘llaymiz. O‘z navbatida, Rossiya Falastin muammolariga, xususan, Arab-Isroil mojarosini hal qilish va Isroilga qo‘ygan Quddus maqomi to‘g‘risidagi talablarimizni inobatga oladi”, dedi Xaniya. 
Bugun Xamas delegatsiyasi Qozonda Tatariston Prezidenti Rustam Minnixanov bilan ham uchrashadi.