Ўзбекистон Республикасида давлат тилини ривожлантириш ва мустаҳкамлаш борасида изчил ишлар давом эттирилмоқда. Жумладан, Президентнинг 2020–2030 йилларда ўзбек тилини ривожлантириш ва тил сиёсатини такомиллаштириш бўйича концепциясида белгиланган вазифалар асосида, атамаларни тартибга солиш йўналишида муҳим қадамлар қўйилмоқда.

Мазкур концепция ижросини таъминлаш мақсадида Вазирлар Маҳкамаси ҳузуридаги Атамалар комиссиясининг 62-сонли мажлис баёни қабул қилинди. Унга кўра, амалиётда кенг қўлланиб келинаётган 40 та хорижий атама ўзбек тилидаги муқобилларга алмаштирилди.  

Эндиликда оммавий ахборот воситалари, давлат идоралари, таълим, фан ва бошқа соҳаларда айнан шу ўзбекча муқобилларни қўллаш тавсия этилмоқда. Бу эса нафақат тилни бойитади, балки расмий муомалада аниқлик ва изчилликни таъминлайди.  

Айни мавзуда Ўзбекистон Фанлар академияси Ўзбек тили, адабиёти ва фольклори институти мутахассислари билан олиб борилган суҳбатда янги атамаларни танлаш мезонлари, уларнинг лингвистик асослари ва келажакдаги аҳамияти хусусида сўз юритилди.  

<iframe width="650" height="420" src="https://www.youtube.com/embed/vvTPfCdOP9Q" title="40 ta xorijiy atama o‘zbekcha muqobillarga almashtirildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М. Эшмирзаева, Д. Якубов, У. Тўхтаев, ЎзА