Қасим-Жомарт Тоқаевга суиқасд уюштиришда гумон қилинган шахс аниқланди
Қозоғистон миллий хавфсизлик қўмитаси Президент Қасим-Жомарт Тоқаевга суиқасд уюштиришда гумон қилиниб, қўлга олинган кимсанинг шахсини ошкор қилди.
Бу ҳақда “Anadolu” агентлиги маълум қилди. 3 апрель куни Қозоғистон контрразведкаси Қасим-Жомарт Тоқаевга суиқасд уюштирмоқчи бўлган хорижий разведка агенти ва бир қатор юқори мартабали давлат хизматчиларини қўлга олди. Қозоғистон миллий хавфсизлик қўмитаси маълумотига кўра, гумонланувчи махсус хизматлар ва ҳуқуқ-тартибот идоралари ходимларига қарши террорчилик ҳаракатлари содир этишни ҳам режалаштирган.
Ҳозирда миллий хавфсизлик қўмитаси Атиқаев Аянга нисбатан Қозоғистон Республикаси жиноят кодексининг 24-моддаси 1-қисми ва 255-моддаси 4-қисмида назарда тутилган жиноятлар бўйича жиноий иш бўйича тергов олиб бормоқда. Шунингдек, департаментнинг таъкидлашича, тергов манфаатларига мос келадиган бошқа маълумотлар ошкор этилиши мумкин эмас.