Европа етакчиларининг Киевга ташрифи бўйича Кремль баёноти
Россия Президенти матбуот котиби Дмитрий Песков Франция Президенти Эммануэль Макрон, Италия Бош вазири Марио Драги, Германия канцлери Олаф Шольц ва Руминия Президенти Клаус Йоханнисларнинг Украинага ташрифи юзасидан журналистлар билан учрашувда муносабат билдирди.
«Европа мамлакатлари раҳбарлари Украинага фақат қурол-яроқ етказиб бериш тўғрисида музокара олиб бормаса керак», деб умид билдирди матбуот котиби.
«Қурол-яроқ билан ёрдам бериш мутлақо бефойда иш, яъни халқлар чекаётган азобни кўпайтиради, мамлакатга фақат зарар келтиради. Бунинг ўрнига улар (лидерлар - таҳририят) Украина Президенти Владимир Зеленскийни ҳақиқий вазиятга тўғри баҳо беришга ундайдиган имкониятдан фойдаланиб қоладилар», дея баёнот берди Кремль вакили.
ЎзА