Буюк Британияда 2050 йилга бориб денгиз сатҳи кўтарилиши оқибатида аҳоли 200 мингга яқин кўчмас мулкдан воз кечишга мажбур бўлиши мумкин. Бу ҳақда “BBC” хабар берди.

“Океан ва қирғоқларни бошқариш” халқаро журналида чоп этилган мақолада денгиз сатҳи кўтарилиши туфайли Британия қирғоқларининг учдан бир қисми сув остида қолиши айтилган.

Бу фурсат ичида 160 минг объект хавф остида қолиши таъкидланган. Сув тошқини хавфи бўлган 30-35 мингга яқин бино зарар кўради, деб топилган.

Олимлар томонидан олиб борилган тадқиқот натижасига кўра, денгиз сатҳи кўтарилиши нафақат қирғоқни сув босиш хавфини оширади, балки катта тўлқинлар томонидан эрозияни тезлаштиради.