Европа Иттифоқининг 15 давлатида келиб чиқиши номаълум гепатитнинг 95 га яқин ҳолати аниқланган. Бу ҳақда "Euractiv" портали Касалликлар олдини олиш ва назорат қилиш бўйича Европа маркази маълумотига таяниб хабар тарқатган.

Қайд этилишича, энг кўп ҳолат Италия (35) ва Испания (22)да қайд этилган. Инфекция бир ойликдан 16 ёшгача бўлган болаларда учрамоқда.

Аввалроқ, Жаҳон соғлиқни сақлаш ташкилоти келиб чиқиши номаълум ўткир гепатит, аллақачон, кўҳна қитъанинг 12 давлатига кириб боргани, ушбу касаллик оқибатида бир киши ўлганини маълум қилганди.