Шошилинч ахборот: Гидрометеорология хизмати маркази 18-20 апрель кунлари Ўзбекистон бўйлаб кучли ёмғир ва шамол бўлишидан огоҳлантирмоқда
Ўзбекистон Республикаси Гидрометеорология хизмати марказидан маълум қилинишича, жорий йилнинг 18-20 апрель кунлари Ўзбекистон ҳудудига Туркманистон орқали Эрондан нам ҳаво, сўнгра Волгабўйи ҳудудидан нисбатан салқин ҳаво массаси кириб келади.
18-20 апрелда Ўзбекистон ҳудуди бўйича баъзи жойларда ёмғир ёғади, момақалдироқ бўлиши мумкин, жумладан:
19 апрелда Қашқадарё, Сурхондарё вилоятларида баъзи жойларда кучли ёмғир ёғади;
19-20 апрелда Самарқанд, Жиззах вилоятларида баъзи жойларда кучли ёмғир ёғади;
20 апрелда Тошкент, Сирдарё вилоятларида баъзи жойларда кучли ёмғир ёғади;
19-20 апрелда республиканинг айрим жойларида дўл ёғиши мумкин.
18-20 апрелда республика бўйича баъзи жойларда шамол 17-22 м/с гача кучайиши кутилмоқда. 18 апрелда баъзи жойларда чанг-тўзон бўлиши кузатилади.
19-20 апрелда кундузги ҳаво ҳарорати 18-23 даража илиқгача пасаяди.
ЎзА