Метрополитен аҳолидан жетонларни сотиб олишни бошлайди
Хабарингиз бор, 2020 йилнинг ноябрь ойидан бошлаб Тошкент метрополитенида йўловчилар учун жетонларни сотиш тўхтатилиб, автоматлаштирилган тўлов тизими жорий этилган эди.
Метрополитен матбуот хизматининг хабар беришича, аҳолидаги мавжуд жетонлар 2022 йилнинг 15 апрель санасидан бошлаб амалдаги йўл ҳақи асосида “Тошкент метрополитени” ДУК маъмурияти томонидан ҳарид қилинади.
Жетонларни қабул қилиш душанбадан жумага қадар соат 9:00 дан 16:00 гача Ислом Каримов кўчаси 16а уй “Тошкент метрополитени” ДУК биносида қабул қилинади.
ЎзА