Нурота туманига янги раҳбар тайинланди
Навоий вилояти Халқ депутатлари Нурота тумани Кенгашининг навбатдан ташқари ўттиз учинчи сессияси бўлиб ўтди.
Унда ташкилий масала кўрилди. Шу кунга қадар туман ҳокими лавозимида ишлаб келаётган Умарбек Халилов бошқа ишга ўтганлиги муносабати билан вазифасидан озод этилиб, туман ҳокими лавозимига Азамат Файзиев тасдиқланди.
А.Файзиев бугунги кунга қадар Ўзбекистон Республикаси Президенти Администрацияси Маҳаллий ижро ҳокимияти органлари билан ишлаш шўъбаси бош мутахассиси вазифасида фаолият юритиб келаётган эди.
ЎзА