Uzbekistan Airports компанияси йўловчи ва юкларни рўйхатга олишнинг янги тизимини жорий этади. Ушбу тизим Наманган халқаро аэропортида синовдан ўтказилди. У ерда «Ural Airlines» авиакомпаниясининг Наманган-Москва йўналиши бўйича қатновларига хизмат кўрсатиш учун ушбу тизимдан фойдаланилди.

- Илгари барча аэропортларда  миллий авиакомпаниянинг битта рўйхатга олиш тизими қўлланилган эди. Аста-секин  аэропортлар учун  шахсий рўйхатга олиш тизимини ташкил этишга эҳтиёж пайдо бўлди. Uzbekistan Airports  акциядорлик жамияти бунда Sirena Travel компаниясининг Аstra DCS тизимини танлади, - дейди «Uzbekistan Airports» АЖ бошқарув раиси ўринбосари Жавлон Умархожаев.  –  Ўзбекистоннинг шахсий рўйхтга олиш тизимига эга бўлмаган ёки республика аэропортларида уларнинг тизими ўрнатилмаган  барча 11 та аэропортларида  ушбу тизимга босқичма-босқич ўтилади.  Янги тизим йўловчилар ва юкларни  тез ва қулай рўйхатга  олишга ёрдам беради.

 

Роман БОНДАРЧУК, ЎзА