Бугун Марказий сайлов комиссиясининг навбатдаги мажлиси бўлиб ўтди.

Йиғилишни Марказий сайлов комиссияси раиси Зайниддин Низомходжаев олиб борди.

Тадбирда Ўзбекистон Республикаси Президенти сайловида халқаро ташкилотлардан қатнашадиган кузатувчиларни ҳамда маҳаллий ОАВ вакилларини аккредитация қилиш масалалари кўриб чиқилди.

– Сайловда дунёнинг элликка яқин мамлакати ҳамда ўнлаб халқаро ташкилотлардан кузатувчилар иштирок этиши кутилмоқда. Шу маънода, бўлғуси сайловлар юксак демократик мезонлар асосида ўтади ҳамда янги Ўзбекистон халқининг ўсиб бораётган сиёсий тафаккурини, ижтимоий фаоллиги ва маданий савиясини яққол намоён этади, деб ишонаман, – деди Зайниддин Низомходжаев.

Йиғилишда 12 сентябргача округ сайлов комиссиялари қарорларига асосан участка сайлов комиссиялари тузилиши ва 14 сентябргача матбуотда эълон қилиниши зарурлиги айтилди. Шу боис округ сайлов комиссиялари ўз ҳудудида маҳаллий кенгашлар сессиялари ўз муддатида ўтказилишини алоҳида назоратга олиши таъкидланди.

Мажлис сўнггида кун тартибига киритилган масалалар юзасидан Марказий сайлов комиссиясининг қарорлари қабул қилинди.

<iframe width="1280" height="720" src="https://www.youtube.com/embed/kfzzBHTnxek" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

 

Шерали Отабоев, Нишон Абдувоитов (видео), ЎзА