“Толибон” ҳаракати Афғонистоннинг янги ҳукумати таркибига мамлакатдаги барча фракциялар ва аҳолининг барча қатлами вакилларини киритиш ниятида, деб баёнот берди ҳаракат вакили Забихулла Мужоҳид.

"Халққа қандай қонунлар керак бўлишини улар ҳал қилади, бу билан халқ иштирок этадиган ҳукумат шуғулланади. Сизларни ишонтириб айтаманки, биз ҳозирда ҳақитатан ҳам янги ҳукуматни шакллантириш устида иш олиб бормоқдамиз", - деб қўшимча қилди у.  

"Толибон” ҳаракати хотин-қизларнинг жамиятдаги ўрнини қадрлайди ва мамлакат қурилишида уларнинг ўрни  муҳим эканига ишонаман", - деди ҳаракат спикери Кобулда бўлиб ўтган матбуот анжуманида.  

Толиблар вакили шунингдек, афғон халқи “Толибон”нинг келиши билан ўзларининг ҳаёти яхши томонга ўзгараётганига гувоҳ бўладилар", деб қўшимча қилди.