Беларусь президенти Александр Лукашенко мамлакат аҳолисини бир-бирига қарши қарши гиж-гижлашга уриниш ҳаракатлари бўлиб ўтганини таъкидлаб, бундай мутлақо бефойда ҳаракатдан тийилишга чақирди.

“Regnum” хабарида айтилишича, бу ҳақда Лукашенко давлат герби ва байроғи қабул қилиниш санасига бағишланган тантаналарда фикр билдирган.  

Лукашенконинг айтишича, мамлакатда тинчликни қатъий ҳимоялаш даври бошланди ва бу даврда вазиятни кимгадир бериб ёки ҳадя қилиб бўлмайди.  

“Бугун рост ва ёлғонни таниб олдик. Келинглар, ҳеч кимга нафи тегмайдиган бундай зиддиятларга чек қўяйлик”, деди у.  

Унинг эслатишича, Беларусь — мустақил давлат, уни асраш лозим ва бу ҳозирги авлод зиммасидаги бурч ҳисобланади.