Истеъмолчилар ҳуқуқларини ҳимоя қилиш жамиятлари федерациясига 2021 йилнинг I чорагида фуқаролардан жами 2889 та мурожаатлар келиб тушган.

Мазкур ариза ва шикоятларнинг 2674 таси яъни, 92,6 % ижобий ҳал этилиши натижасида истеъмолчилар фойдасига жами 6 038 398 926 (олти миллиард ўттиз саккиз миллион уч юз тўқсон саккиз минг тўққиз юз йигирма олти) сўм етказилган зарар қайта ҳисоб-китоб қилиб берилган.

Федерация томонидан, истеъмолчилардан тушган 14 та мурожаат асосида истеъмолчиларнинг манфаатларини кўзлаб суд органларига даъво аризалари киритилиши ва ижобий ҳал этилиши натижасида 179 209 094 (бир юз етмиш тўққиз миллион икки юз тўққиз минг тўқсон тўрт) сўм моддий ва маънавий зарарлар истеъмолчилар фойдасига қайта ҳисоб-китоб қилинишига эришилган.

Истеъмолчиларнинг ҳуқуқлари қайси соҳада кўпроқ бузилди?

Мурожаатларнинг 1109 таси (38,4%) савдо соҳасига;

357 таси (12,4%) газ таъминоти соҳасига;

338 таси (11,7%) электр таъминоти соҳасига;

145 таси (5,0%) сув таъминоти соҳасига;

109 таси (3,8%) коммунал хизмат соҳасига;

31 таси (1,1%) соғлиқни сақлаш соҳасига;

247 таси (8,5%) хизмат кўрсатиш (сервис) соҳасига;

113 таси (3,9%) транспорт соҳасига;

117 таси (4,0%) алоқа (ва интернет) соҳасига;

323 таси (11,2%) эса бошқа соҳаларга тўғри келади.