Туркия Республикаси Президент девони, Маданият ва туризм вазирлиги ва Туркия туризмни тарғиб қилиш ва ривожлантириш агентлиги (ТГА) ҳамкорлигида ташкил қилинган "Туркия Президент девони велосипед сафари" тарихий ва табиий гўзалликларга бой мароқли йўналиш бўйича бошланди.

"Туркия Президент девонининг велосипед сафари" биринчи марта 1963 йилда Туркия Велоспорт федерацияси томонидан дунёдаги ягона қитъалараро велоспорт тур сифатида ташкил этилди ва "Мармара сафари" деб номланди. Бу йилги велосипед сафари, 11 апрель куни Кападокияда бошланган бўлиб у 18 апрелда Кушадасида тугайди. Маршрут давомида иштирокчилар табиат гўзаллигидан баҳраманд бўлади.

Велосипед сафари масофаси 1347 километр атрофида бўлиб, унинг маршрути Коня, Бейшеҳир, Аланя, Кемер, Гоғубели чўққиси, Фетҳие, Мармарис, Тургутреис, Бодрум ва Кушадаси каби тарихий жойларни ўз ичига олади. Белгия, Исроил, Италия, Испания, Франтсия, Россия, АҚШ, Норвегия, Голландия, Қозоғистон, Швейтсария ва Малайзиядан жамоалар ва спортчилар сайёҳлик йўналишлари бўйлаб саёҳат қилиш билан бирга, Туркиянинг таниқли табиий ва тарихий диққатга сазовор жойларидан баҳраманд бўлади.

Велапойгада санитария-гигиена тадбирлари билан бир қаторда сафари иштирокчиларнинг хавфсизлиги ва саломатлиги таъминланиши ҳам кўзланган.