Тошкент вилояти шаҳар-туманлари орасида биринчи электрон қарор Юқори Чирчиқ туман ҳокимига тегишли бўлди
Адлия вазирлиги кўмаги билан Тошкент вилояти Юқори Чирчиқ тумани ҳокими У.Атемовнинг биринчи электрон қарори қабул қилинди.
Адлия вазирлиги томонидан маҳаллий ижро этувчи ҳокимият органларининг қарорларини ишлаб чиқиш, келишиш ва рўйхатдан ўтказишнинг ягона электрон – «E-qaror» тизими синов тариқасида ишга туширилган эди.
Бугун Тошкент вилоят ҳокими Д. Ҳидоятовдан сўнг Тошкент вилояти шаҳар- туманлари ичида биринчи бўлиб Юқори Чирчиқ туманида, Адлия бўлимидан ҳуқуқий экспертизадан ўтказган ҳолда ҳеч қандай қоғозларсиз, «E-qaror» электрон тизими орқали туман ҳокимининг норматив тусдаги қарори қабул қилинди.
Юқори Чирчиқ туман ҳокимлиги Ахборот хизмати