Айрим одамлар COVID-19 билан касалланмаслиги мумкин, чунки улар аввал бошқа коронавирус билан оғриган, яқин орада вирус инфекциясини бошидан кечирган ёки маҳаллий иммунитетга эга, дейди россиялик вирусолог, тиббиёт фанлари номзоди Сергей Вознесенский “РИА Новости” мухбири билан суҳбатда.

Олимнинг билдиришича, аксил танача - организмнинг аввал шунга ўхшаш касалликка дуч келганини кўрсатувчи белги ҳисобланади. Шу билан бирга баъзилар хасталикка мойил бўлмайди, масалан, иммун танқислигига учрамайди.

"Коронавирусли инфекцияга қарши аксил таначаси бор иснонлар биз ўйлагандан ҳам кўпроқ. Бинобарин, улар нега шундайлиги ҳақида якуний хулоса чиқариш ҳозирча илмий баҳс босқичида турибди", - деди Вознесенский.

Таъкидланишича, бунинг биринчи сабаби аввал бошқа коронавирус келтириб чиқарган касаллик ҳолатини бошдан кечирганлик, яъни бир-бири билан чорраҳада кесишган иммунитетлар билан боғлиқ. Иккинчи тахмин коронавирусга дуч келган одам аллақачон қандайдир вирусли инфекцияни бошдан кечирган ва шундан кейин унинг танасида интерферон даражаси кўтарилган бўлиши мумкин. Агар интерферон жуда кўп бўлса, вирусли инфекцияни юқтиришга мойиллик пасаяди.

Учинчи версия маҳаллий иммунитет, яъни иммун мажмуаси мавжудлигини кўрсатмоқда. Бундай вазиятда вируснинг нафас олиш йўлига кириб олишига тўсиқ пайдо бўлади. Айни ҳолатда қандай механизм ишлашини айтиш имкони эса муайян илмий баҳслардан сўнг юзага келади, дея қўшимча қилди эксперт.