Ўзбекистон Республикаси Вазирлар Маҳкамаси “Вазирлар Маҳкамасининг “Шаҳарсозлик фаолиятида рухсат бериш тартиб-тамоилларини такомиллаштиришга қаратилган Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида” 2023 йил 23 ноябрдаги 619-сон қарорига ўзгартириш киритиш ҳақида” қарор қабул қилди.
Унга мувофиқ, Қурилиш ва уй-жой коммунал хўжалиги вазирлигининг объектлар лойиҳаларини белгиланган тартибда келишмасдан ва ҳудудий инспекциялар рўйхатидан ўтказмасдан, қурилиш-монтаж ишлари бажарилган (қисман ёки тўлиқ) бино ва иншоотлар бўйича тегишли ҳужжатларни расмийлаштириш ва ҳудудий инспекциялар рўйхатидан ўтказиш ҳамда шу асосда фойдаланишга рухсат бериш ишлари 2025 йил 1 июлга қадар узайтирилади.
Қарор билан Вазирлар Маҳкамасининг “Шаҳарсозлик фаолиятида рухсат бериш тартиб-таомилларини такомиллаштиришга қаратилган Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида” 2023 йил 23 ноябрдаги 619-сон қарорининг 2-бандидаги “2024 йил 1 декабрдан” сўзлари “2025 йил 1 июлдан” сўзлари билан алмаштирилади.
Маълумот учун:
Вазирлар Маҳкамасининг “Шаҳарсозлик фаолиятида рухсат бериш тартиб-таомилларини такомиллаштиришга қаратилган Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида” 2023 йил 23 ноябрдаги 619-сон қарорига ўзгартириш киритиш ҳақида” 2024 йил 11 ноябрдаги 326-сон қарорига асосан объектларни ҳудудий инспекциялар рўйхатидан ўтказиш ҳамда шу асосда фойдаланишга рухсат бериш ишлари 2024 йил 31 декабрга қадар узайтирилган эди.
Бугунги кунда республика бўйича 2 500 дан ортиқ объектда қурилиш-монтаж ишлари рўйхатдан ўтмасдан амалга оширилаётганлиги, шу боис, айрим ҳудудларда ижтимоий, инфратузилма ва ишлаб чиқариш объектлари, кўп қаватли ва якка тартибдаги уй-жойлар барпо этилганлиги ҳамда улардан фойдаланилаётганлиги (аҳоли яшаётганлиги) сабабли объектларни рўйхатдан ўтказиш муддатини узайтириш зарурати юзага келган.
ЎзА