Xalq ta’limi vazirligi huzuridagi Respublika ta’lim markazi tomonidan “Milliy o‘quv dasturi” loyihasi ishlab chiqildi.

Darsliklarni yaratishda ishtirok etadigan muallif va ekspertlar guruhi shakllantirildi.

Milliy o‘quv dasturini ishlab chiqish, ekspertiza qilish va tajriba-sinovdan o‘tkazish, bosqichma-bosqich amaliyotga joriy etish samaradorligini ta’minlash maqsadida yuqori salohiyatli olimlar, ilg‘or tajribali amaliyotchi o‘qituvchilar, metodistlar va xalqaro ekspertlar bilan tizimli ishlash tashkil etildi.

Amaldagi davlat ta’lim standartlari, o‘quv dasturlari va o‘quv adabiyotlarini ilg‘or xorijiy davlatlar bilan qiyoslash orqali o‘rganib chiqilayapti. Ilg‘or tajribalardan kelib chiqqan holda Milliy o‘quv dasturini ishlab chiqishda Singapur, Koreya Respublikasi, AQSH va Yaponiya kabi davlatlar tajribalaridan tashqari umume’tirof etilgan halqaro baholash dasturlari talablari va metodologiyasi inobatga olinmoqda.

Bu yil mazkur loyiha doirasida Informatika fanidan 5-8-9-sinflar uchun yangi darsliklar nashr etildi. Yangi darslikda qanday o‘zgarishlar bo‘ldi?

Ushbu darsliklardagi o‘zgarishlar, yangiliklar yuzasidan pedagogika fanlari nomzodi Dadajon SAYFUROV bilan suhbatlashdik.

Mutaxassis:

– Informatika fani darsligida qanday o‘zgarishlar bo‘ldi?

– Qaysi xorijiy tajribalardan foydalanildi?

– 5-sinf o‘quvchilari nega dasturlashni o‘rganishi kerak?

– Zamonaviy darsliklarni kimlar o‘ta oladi?

– Darslikdagi QR kodlardan qanday foydalaniladi?

– O‘qituvchi dars berishga tayyor bo‘lmasa, u bilimini qanday oshiradi?

kabi savollarga javob berdi. IT sohasiga qiziqqan yoshlar maktabdanoq ayni bilimlarga ega bo‘lib chiqishi mumkin. Shu bilan birga ular shu sohada pul topish, undan foydalanishni ham o‘rganadi.

Qanday qilib?

Buning iloji bormi?

Suhbatni videoda to‘liq tomosha qilib, ayni savollarga ham javob topasiz.

<iframe width="1366" height="600" src="https://www.youtube.com/embed/FaTKVB-YN00" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Barno Meliqulova, Yoqubjon Meliboyev (video), O‘zA