Belarus tashqi ishlar vaziri Vladimir Makey Yevroittifoqning Belarusga qarshi sanksiyalariga qo‘shilgani uchun Ukraina rasmiylariga nisbatan sanksiyalar tayyorlanayotganini ma’lum qildi.

“Rosbalt.ru” xabariga ko‘ra, Makey Ukrainaning bu boradagi hech bir harakati e’tiborsiz qolmasligini aytgan. 

Kiyevning mazkur sanksiyalarga qo‘shilishi uning demokratiya haqidagi bayonotlariga zid keladi.

“Birinchi bosqichda sanksiyalar joriy qilinuvchi ukrain rasmiylari ro‘yxatini tuzdik. Bundan buyon voqealar rivojining qanday bo‘lishiga qarab harakat qilamiz”,  dedi Makey.