Rossiya prezidenti Vladimir Putin 23 va 24 noyabr kunlari Armaniston bosh vaziri Nikol Pashinyan va Ozarbayjon prezidenti Ilhom Aliyev bilan telefon orqali muloqot qildi.

Kreml matbuot xizmati xabariga ko‘ra, muloqotda Rossiya hukumatlararo komissiyaning Yerevan va Bakuga tashrifi yakunlari va 9 noyabrdagi uch davlat o‘rtasidagi kelishuvning bajarilishi muhokama qilindi.

Shuningdek, hududdagi iqtisodiy hamkorlik, transport kommunikatsiyasi masalalari ham ko‘rib chiqilgan.  

Eslatib o‘tamiz, tomonlar o‘rtasidagi o‘t ochishni to‘xtatish bo‘yicha kelishuvdan so‘ng Rossiya Tog‘li Qoraboqqa tinchlikparvar kuchlarini joylashtirgan edi.