Америка Қўшма Штатларининг сайланган президенти Жо Байден бугун ўзининг маъмуриятидаги лавозимларга номзодларни тасдиқлади.

Жангдаги жасоратлари учун – "Силвер Стар" мукофотининг америкалик саноқли ғолибларидан бири Жон Керри AҚШнинг янги маъмуриятида иқлимни муҳофаза қилишга киришади.

Жо Байден собиқ давлат котибини атроф-муҳитни назорат қилиш бўйича махсус вакил этиб тайинлади. Шу тариқа, Керри Миллий Хавфсизлик Кенгаши аъзолиги билан ҳам тўлиқ таъминланади.

Сайланган президент томонидан тайинланган лавозимлар бир неча соат олдин эълон қилинди. Кузатувчилар янги Оқ уй атлантизм анъаналарини қайта тиклаш, яъни НAТО ва Европа Иттифоқи билан муносабатларни кучайтириш ниятида эканини таъкидламоқда.

Энтони Блинкен ташқи ишлар вазирлигининг янги раҳбари бўлади.

Блинкен журналист сифатида иш бошлаган. У Гарвард, кейинчалик Колумбия университетининг юридик факультетини тамомлаган. Блинкен президент Обама даврида миллий хавфсизлик бўйича ёрдамчи ўринбосари бўлган.  

Қўшма Штатлар тарихида биринчи марта Кубадан келган муҳожир Aлехандро Маллоркас Миллий хавфсизлик котиблигига кўрсатилган.

Жо Байден Линда Томас-Гринфилдни БМТдаги доимий вакили деб эълон қилди. 51 ёшли Эврил Хейнс Миллий разведка агентлигини бошқариши керак бўлади. У ҳам Барак Обама маъмуриятида ишлаган.

Жанет Эллен, Федерал захира бошлиғи, Ғазначилик котиби лавозимига кўрсатилди. Aгар АҚШ Сенати томонидан маъқулланса, у ушбу лавозимга тайинланган биринчи аёл бўлади.

Беҳруз Худойбердиев