Тадбиркорга мулки учун тўланмаган компенсация пули суд ёрдамида ундирилади
![](https://cdn.uza.uz/2020/10/02/08/58/hNQKQcdSgRRbHdZUZCsLZUv2OxIUV93X_normal.jpg)
Жамият раҳбари Э.Собиров ушбу масалада Андижон вилояти маъмурий ва иқтисодий судлари раислари томонидан ўтказилган сайёр қабулда мурожаат қилди.
“Фарруҳ Фарҳод текстиль” масъулияти чекланган жамияти балансидаги савдо комплекслари Булоқбоши тумани хокимлиги қарорига асосан бузиб ташланган. Бироқ тадбиркорга бунинг учун компенсация пули тўланмаган.
Жамият раҳбари Э.Собиров ушбу масалада Андижон вилояти маъмурий ва иқтисодий судлари раислари томонидан ўтказилган сайёр қабулда мурожаат қилди.
Тадбиркорга Хўжаобод туманлараро иқтисодий судига Булоқбоши туман хокимлигига нисбатан компенсация пулларини ундириш тўғрисида даъво аризаси билан мурожаат қилиш ҳуқуқи мавжудлиги тушунтирилди. Тадбиркор ҳам ўзига етказилган зарарни суд орқали ундириб оладиган бўлади.
Булоқбоши туманидаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси бўлиб ўтган сайёр қабулда нафақат тадбиркорлар, балки аҳоли вакиллари ҳам иштирок этди.
Олий суд матбуот хизматидан маълум қилишларича, сайёр қабулда 17 нафар фуқаронинг мурожаати кўриб чиқилган. Етти мурожаат жойида ҳал этилди. Айрим шахслар жазодан муддатидан илгари шартли озод қилинди. 10 нафар фуқаронинг мурожаати юзасидан ҳуқуқий тушунтиришлар берилди.
Шу куни Жиноят ишлари бўйича Булоқбоши тумани суди томонидан Д.Тожиқуловнинг аризаси кўриб чиқилди. Жиноят кодексининг 73-моддасига асосан у ҳали ўталмаган 10 ой 13 кун ахлоқ тузатиш ишлари жазосидан муддатидан илгари шартли озод қилинди.