Бугунги кунда Тошкент вилояти Оҳангарон шаҳрида 21 та маҳалла фуқаролар йиғини мавжуд.

Бугунги кунда Тошкент вилояти Оҳангарон шаҳрида 21 та маҳалла фуқаролар йиғини мавжуд.

Пандемия шароитида фуқароларга кўтаринки кайфият бағишлаш мақсадида ҳозирги пайтда шаҳардаги фойдаланилмаётган Жамоатчилик назорат масканлари аҳоли гавжум яшайдиган маҳаллаларнинг марказларига кўчирилиб, Жамоатчилик маърифат масканига айлантирилмоқда.

Бу марказларни ташкил қилишдан асосий мақсад карантин қоидаларига риоя этган ҳолда китоб мутолаа маданиятини юксалтириш, ёшларнинг китобга бўлган меҳрини уйғотишдан иборат..

Бундан ташқари, ушбу маскан карантин қоидалари бўйича патронаж ҳамшираларнинг мурожаати, шифокорлар маслаҳати, оила мустаҳкамлиги бўйича маҳалла фахрийларининг ўгитлари, соғлом овқатланиш қоидалари, касалликдан сақланиш тарғиботларини мунтазам равишда аҳолига етказиб боришга хизмат қилади.

Ҳозирда, Оҳангарон шаҳридаги «Адолат» ва «Бахт» маҳалла фуқаролар йиғинларида Жамоатчилик маърифат маскани ташкил этилган. Кейинчалик уларни бошқа маҳалла фуқаролар йиғинларида ҳам йўлга қўйиш режалаштирилган.