Фуқаролар ўзи яшайдиган ҳудуднинг бош режасини тасдиқлашда иштирок этиши мумкин
Хусусан, юридик ёки жисмоний шахсларнинг ер ва мол-мулклари компенсация тўлиқ қопланиб бўлганидан сўнг бузилиши қатъий белгиланмоқда.
Бугун Олий Мажлис Қонунчилик палатаси депутатлари «Ўзбекистон Республикасининг янги таҳрирдаги Шаҳарсозлик кодекси тўғрисида»ги қонун лойиҳасини муҳокама қилди.
Қонун лойиҳасидаги муҳим янгиликлардан бири, бу – аҳоли пунктлари бош режаларни ишлаб чиқишда жамоатчилик назоратининг жорий қилинаётгани. Эндиликда фуқаролар ўзи яшайдиган ҳудуднинг бош режаси тасдиқланишида иштирок этади.
Шунингдек, кодексдан ер участкаларини давлат ва жамият эҳтиёжлари учун олиш ҳамда зарарни қоплашни таъминлайдиган моддалар жой олмоқда. Хусусан, юридик ёки жисмоний шахсларнинг ер ва мол-мулклари компенсация тўлиқ қопланиб бўлганидан сўнг бузилиши қатъий белгиланмоқда.