Toshkent viloyati Zangiota tumanida ish boshlagan “Grand Pharm Logistics Hub” loyihasi “Tashkent Pharma Park” innovatsion klasteri hududida joylashgan.

Loyihaning umumiy qiymati 40 million AQSH dollarini tashkil etib, uning tarkibida uch qavatli ma’muriy bino, omborlar, mehmonxona, oshxona va yotoqxona qurilgan. 300 dan ortiq ish o‘rni yaratilgan.

[gallery-20932]

Logistika markazining mahsulotlarni saqlash joyi 50 ming kvadrat metrdan iborat. Bu yerda katta hajmdagi farmatsevtika mahsulotlarini xalqaro standartlar asosida qabul qilish, saqlash va tarqatish imkoniyati mavjud. Ushbu jarayonlar to‘liq raqamlashtirilgan.

Bu yerda shuningdek, yigirmadan ortiq yuk mashinalari mavjud bo‘lib, tashish xizmatlari ham yo‘lga qo‘yilgan. Majmuada bunday transportlar uchun turargoh va texnik xizmat ham tashkil etilgan.

[gallery-20933]

Rastam NAZARMATOV, Otabek MIRSOATOV (surat), O‘zA